Бақтағы «соғыс» ойыны

Отырып ем бірде кеп
Орындыққа бақтағы,
Ағаштарға үймелеп,
Сауысқандар қаптады.
Сақылдады
Мені кеп
Пулеметпен атқандай.
Сақ-сақ, сақ-сақ төңірек
«Соғыс» ойнап жатқандай.
Шошығам жоқ түк те мен,
Шоши ма екен солдат та?!
«Пух! Пух! Пух! Пух! Пух!» – деп ем,
Быт-шыт болды жан-жаққа.
Кірерге жер таппаған
Көрсең «жаудың» қашқанын!..
Қандаймын ә?!
Қаптаған
«Жауды» жалғыз жасқадым!

---