Өлең, жыр, ақындар

Сүйемін мен испанканы

  • admin
  • 08.11.2024
  • 0
  • 5
  • 927
Ғафу, кыздар, қызғанбаңыз,
Сүйемін мен испанканы.
Махаббаты болған аңыз,
Бар ғой оның ұлы жаны.

Көріп пе едің Пиренейдің
Жазғы нұрлы атқан таңын?
Жылылығы сондай деймін
Қара көзді испанканың.

Естіп пе едің бұлбұл үнін,
Балбыратқан гүл бақшаны?
Елжіретер ел жүрегін
Испанканың салған әні.

Қолда гитар, белде қанжар,
Міне, осындай қызды көрдім.
Жүрегі оның бірге соғар
Жүрегімен бүкіл елдің.

Гүл бақшада, нулы орманда
Келе жатыр гитар ойнап.
Көз жіберер ол Отанға,
Туған елдің қамын ойлап.

Майдан десе, гитарын ол
Бір ағашқа іле салып,
Зор майданға сапар шегер
Білек түріп, мылтық алып.

Өжет сұлу қан майданға
Қаймықпастан сапар шегіп,
Фашист сынды қас дұшпанға
Қатулана салар бүлік.

Мұндай сұлу жігіттердің
Ынжығына кайтіп тиер.
Намысы үшін туған елдің
Майданда өскен ерді сүйер.

Махаббаты қандай ыстық,
Қандай тәтті испанканың.
Жүректе серт айнымастық,
Жардай сүйер ол Отанын.

Ол - махаббат идеалы
Құмар қылған Байрондарды.
Сүйемін мен испанканы,
Сүйемін мен сондай жарды!

1940 жыл



Пікірлер (5)

Арсен

Тест

Арсен

Тесті тапсыру

Арсен

Әбдікерім

Арсен

Керемет

Айқын

Мен ұтамын

Пікір қалдырыңыз

Әшім

  • 0
  • 3

- Ойбай, мынау
Малғұн фрау!
Heгe маған көз қысад,
Қағып касын?! -

Толық

1945 жыл

  • 0
  • 0

1945 жыл
Жаңа жыл, мың тоғыз жүз қырық бесінші,
Құйшы, дос! Қыран көңіл, бір желпінші!
Қасым Аманжолов

Толық

Альбомға

  • 0
  • 0

Жапанда жалғыз бейіттей
Жолаушыға ой салған.
Көңілсіз жырым бір беттей
Көзіңді тартсын нұр тамған.

Толық

Қарап көріңіз