Қарағанды жаңа театрын көргенде

Бұл бетте «Қарағанды жаңа театрын көргенде» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Жырсыз өтпес көрген қазақ ақыны,
Тамаша екен Қарағанды жаңа театры.
Сәкен аға атындағы құтты төр,
Өзіне ұқсас сымбатты екен заты ірі.
Қуанышпен ән шырқайтын жар салып,
Біз қарасақ кең сарайға тамсанып,
Алғыс айтып Нұрсұлтан мен Нұрланға,
Сәкен отыр мұртын сипап қарсы алып.
«Сырты сұлу, іші одан қалмаған», –
Деп сүйсінбес дені түзу бар ма адам?
Әлемде әсем театрлардың дәстүрін
Ғажап екен қазақшалап жалғаған.
Портреттер кең фойеде тізбегі,
Әркім өзінің құмартқанын іздеді.
Күлім қағып Сүртібаев ағамыз
Қарсы алғандай менен көзін үзбеді.
Қара шаңырақ Қарағанды, өзгеден
Көп артықсың ұлттық салттан безбеген.
Қайда барсаң ресторандар сап құрса,
Сен озықсың рухани азық көздеген.
Таңданатын ғаламатқа бір мен бе,
Жан сүйсінді аралап ішін жүргенде.
Бұл заманда Сәкенге арнап салынған
Ескерткіштің үлкені екен білгенге.

21.10.2009.
Қарағанды


Пікірлер (0)

Пікір қалдырыңыз

Жиі қойылатын сұрақтар

Қарағанды жаңа театрын көргенде өлеңінің авторы кім?

Кәкімбек Салықов — осы өлеңнің авторы.

Қарағанды жаңа театрын көргенде өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қарағанды жаңа театрын көргенде өлеңі не туралы?

Бұл өлеңде Кәкімбек Салықов өз ойы мен сезімін көркем түрде жеткізеді.

Қарағанды жаңа театрын көргенде өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері