Өлең, жыр, ақындар

Байлық және кедейлік арасында

  • admin
  • 20.11.2024
  • 0
  • 0
  • 407
Бақытты еді...
Бай болды ел таңданған,
Бұхарада жол тапты дархан арман.
Мыңды сүйсе біріне бас имеді,
Өтті әйелсіз,
Даналық арқандаған.
Зор атағын өлең сөз олқы қылмай,
Рубаилар бекіді төл тұғырдай.
Жүздеп,
Мыңдап ғазелдер сылаң қақты,
Шексіз мұхит тербелген толқынындай.
Білімге де болмады ділгірлігі,
Адамзатпен туыпты шын бірлігі.
Поэма етті «Күн көзі айналасын»,
Жер­жаһанды тамсантып білгірлігі.
Ойласаңшы, не деген ерен мықты,
Байлық өшті...
Патшадан жебеу бітті.
Екі көзін ақынның ойып тастап,
Енді өзін сарайдан қуып шықты.
Әне, сонда бақытты неден күтті?
Бұрынғыдан өр мінез өлең бітті.
Байлықпенен сұм тағдыр қоштастырса,
Жан досындай көріпті кедейлікті.
Білді ұлықтың нақақтан жаласын да,
Ақ пен қара тыймады таласын да.
Дана жыры толассыз толқи берді,
Бақыт орнап кедейлер арасында.



Пікірлер (0)

Пікір қалдырыңыз

Қош бол, жалғыз бауырым!

  • 0
  • 0

Қош бол, жалғыз бауырым!
Айналайын, Сапаржаным, Сапарым,
Кім тосыпты саған күннің батырын?!
Кәкімбек Салықов

Толық

Жетпіс беске келер еді ол бүгін

  • 0
  • 0

Жетпіс беске келер еді ол бүгін
(Әшірбек Құнанбаевқа)
Құлақ сал, достар, ағайын,
Кәкімбек Салықов

Толық

Есіл мен Көкше – бір аймақ

  • 0
  • 0

Көк Есіл, кербез, ер Көкше,
Аумайсың алтын аралдан.
Мағжандай дарын ерекше,
Кәкімбек Салықов

Толық

Қарап көріңіз