Айдын Оңласын

Татулық - тірегіміз

Бұл бетте «Татулық - тірегіміз» атты Айдын Оңласын жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Aidyn1110
28.03.2021
0
0
5471

Қандастарды бауырымдай көремін,
Жайма шуақ көңіліне сенемін.
Қарындастар түтін түтет кел-дағы,
Қонақжаймын,төрден орын беремін.

Тамырластар,достарым, бауырларым,
Өздеріңсіз қабақ жүдеу көңіл жарым.
Дос көңілі қиыры жоқ кең даладай,
Мен үшін асылсыңдар бәрің-бәрің.

Достыққа үндер халқымның өнегесі,
Барлық ұлттың тепе-тең терезесі.
Араздықтан ұлт пен ұлыс ада болса,
Отанымның кеңейер керегесі.

Тату-тәтті ел болу-тілегіміз,
Мүддеміз бір, “ел” деп соғар жүрегіміз.
Жұдырықтай жұмылып қайраттансақ,
Тек биіктен көрінеді ұлы еліміз .

Халқы тыныш,жайсаң әрі жайдары,
Жырға тұнған,сырға тұнған аймағы.
Татулықты биік қойған бәрінен,
Өр халықпыз бұзылмаған қаймағы.

татулық халық Достық Айдын Оңласын өлеңдері рухани жаңғыру отан туралы ел татулық-тірегіміз Aidyn1110 өлеңдері татулық - тірегіміз

Пікірлер (0)

Пікір қалдырыңыз

Жиі қойылатын сұрақтар