Өлең, жыр, ақындар

Ұлытау жайлы үзік сыр

  • admin
  • 24.11.2024
  • 0
  • 0
  • 394
Даналықтың қызықсам салтына бір,
Қарт Ұлытау төгілер атына жыр.
Отансүйгіш көтерген рухымды,
Өзі де бір көсем тау, даңқы да бір.
Ойнақтаған тау-бөктер кілемінде,
Салтанат бар көп киік легінде:
Ақ Шоқыны айналып өтіп жатыр
Білезіктей сұлудың білегінде.
Бауыр басқан таулардың көп легі,
Қарт Ұлытау – солардың төргі шебі.
Етегінен ғарышқа ұшқан кеме
Жетегінен шыққандай көрінеді.
Әлімсақтан Ұлытау алшақтайды,
Кен табылар қай жерден қазсақ сайды.
Жезқазғанға Құдайым қоса берді
Қаныш құмар Жезді мен Қарсақбайды.
Ұлытауда ертерек таң атады,
Кең даланы әудемде жаңартады.
Ұлылықтың шын сыры осы шығар,
Бабалардың ізіне қаратады.
Содан кеттің, Ұлытау, ән-жырым боп,
Ұларыңа арнаған жан сырым көп.
Етегіңе құрғанда жаңа ауданды,
Ат салыстым аянбай, бір ұлың боп.

11.04.2012



Пікірлер (0)

Пікір қалдырыңыз

Гүл – құбылыс ғажайып

  • 0
  • 0

Гүл – құбылыс ғажайып,
Үлбіреп тұрған сұлулық.
Лебінен жаның тазарып,
Кәкімбек Салықов

Толық

Қажымұратқа алғысым

  • 0
  • 0

Төлегендей мүсінші інім қасымда,
Тұрдық үнсіз Еркін аға басында.
Осы да бір есте қалар мезет­ау,
Айқын таңба біздің шеккен ғасырға.

Толық

Қайда барсам гүлдерді көрем сан қилы

  • 0
  • 0

Қайда барсам гүлдерді көрем сан қилы,
Бәрінен де ауылымның иісі аңқиды.
Көл шетінде қос аққуға қарасам,
Баяғы біздей төс тақасып балқиды.

Толық

Қарап көріңіз