Өлең, жыр, ақындар

Ауыл әйелінің мұңы

  • 08.08.2021
  • 0
  • 0
  • 459
Имей әсте ешкімге өр басымды,
Көрсетпей-ақ келіп ем көз жасымды.
Мынау заман зілмауыр сындырар боп
Иығымда сездірді қорғасынды.
Көшпей қимай келіп ем ауылымды
Ата-бабам жайлаған сауырымды.
Ағайындар аталас, ауылдастар
Жақсы-жаман бөліскен қауымымды.
Ауыл дерлік қалмады бейнесі де,
Тәптештейін баяндап мен несіне.
Қираған үй, құлаған клуб, дүкендер,
Бомба түскен салады елді есіңе.
«Жетім кезден анам боп аялаған,
Үлгі-өнеге мейірімін аямаған.
Мектебім тұр қалтырап, қалт-құлт етіп,
Мұғалім боп ұзақ жыл саялаған.
Ірге бұзбай отыр ек көшпей қалып,
Дегендейін әліптің артын бағып.
Амал қалмай барады қайтпек керек
Нарық қысты жыландай орап алып.
Қозғалғанда барасың қайда көшіп,
Қай жер күтіп тұр сені май желі есіп.
Қаладағы баспана бас күрделі іс
Күйің қайсы сатып ап етер кәсіп.
Еститінің өзің көр өз күніңді
Тұжырымды тоқ етер сөз бүгінгі.
Өзі көрмек өз күнін болған мынау
Ой тұралап, қылмыстан көз сүрінді.
Көзің кетсе, ториды көршің сені,
Адамдардың ауылда барар жері — Полиция
Оның да мұқтажы көп...
Ісің түссе алады тонап сені.
Қайда барсаң сонымен қорқыт көрі,
Қадам басып ұрынбай көрші ілгері.
Кәрі-құртаң әйтеуір кем-кетіктің,
Басар тауы таусылды, барар жері.



Пікірлер (0)

Пікір қалдырыңыз

Бір күнде ел таныған ерке нар қыз

  • 0
  • 0

Бір күнде ел таныған ерке нар қыз,
Әрине, бір қатармыз емес жалғыз.
Егіліп елдің қамын айтамыз деп,
Бұл күнде санатта жоқ, санда бармыз.

Толық

Ана жанын тербеген

  • 0
  • 0

Сен аспаған алдындағы ер, белең...
Сол еді ғой ана жанын тербеген.
Түнде оят, күндіз мейлің мазала –
Байғұс ана не күйіңе көнбеген!

Толық

Мұң шағамын Абайға

  • 0
  • 0

Ұлы баба, мен сізге мұң шағамын
Өлең сөздің сындырдық мұнша сағын.
Сөз патшасы сіз қойған түсер менде
Қайтсын ақша патша боп бұзса тағын.

Толық

Қарап көріңіз