Өлең, жыр, ақындар

Уақыт қуып

  • 21.03.2019
  • 0
  • 0
  • 2880
Уақыт қуып айдады күнді ілгері,
Алыстайды өткеннің күмбірлері.
Елу жылда елменен жер жаңарып,
Ұмытылар адамның көргендері.
Көзге кірген көлеңке арылмайды,
Өшкен оттар қайтадан жағылмайды.
Жарқын - жасыл жайнаған суреттерді
Бұлдыр ғана шырағың қабылдайды.
Қулап кетіп қалғандай бір құз жарға,
Айрылып қап жүресің жұлдыздардан.
Жазды күтіп жаурағыш жұқарған жан,
Қалтырайды қыстағы ызғарлардан.
Кәрі арқардай түсе алмай шыңда қалған,
Айналаңа қарайсың бал-бұл жанған.
Батар күндей маужырап бара жатыр,
Бір-бір ұшқан көзіңнен дүние жалған.



Пікірлер (0)

Пікір қалдырыңыз

Күзет әні

  • 0
  • 1

Жарық түнде жазық дала, жайлауда,
Шаршамаймыз атқанша тан ойнауға,
Ай астында алтыбақан тербеліп,
Үйренгенбіз толқынды жыр толғауға.

Толық

Мұқтар Жанғалиннің өліміне

  • 0
  • 0

Біз текке тумадық құрдас боп ғасырға,
Өжет боп өстік біз, айналмай масылға.
Уақыттың артқанын аянбай көтердік,
Зәрредей іркілмей ілгері басуға.

Толық

Көпір болсам

  • 0
  • 0

Ғасырлар өтсе үстімнен
Ауыр жүк тасыр шофер боп,
Мен тұра берсем астында
Темірден құйған көпір боп.

Толық

Қарап көріңіз