Өлең, жыр, ақындар

Қайран жүрек қысып-қысып кетеді

  • admin
  • 26.11.2024
  • 0
  • 0
  • 465
Қайран жүрек қысып-қысып кетеді,
Бір соққаны мың соққыға жетеді.
Сол бір сәтте өткен күндер тізіліп,
Қайтқан құстар көз алдымнан өтеді.
Қиянатым жоқ қой ешбір адамға,
Қайта үңілем арттағы көп қадамға.
Бір ананың жалғызы боп жүргенде,
Сенуші едім жүрегім мен қаламға.
Әлі күнге сол екеуі ұғар деп,
Тіршілікке келем шексіз құмар боп.
Жүрегіме еш өкпем жоқ, түсінем
Қатер сезген қоңырауы шығар деп.
Сондай кезде бір суынсам, бір күйіп,
Жүрегімде бар демеңдер мың күйік.
Ештеңе жоқ, өзім табам дәруін,
Көз қызыққан сұлу көрсем бір сүйіп.

04.02.2002.
Емхана



Пікірлер (0)

Пікір қалдырыңыз

Есімін жылдар жасырмас

  • 0
  • 0

Есімін жылдар жасырмас
(Сәкен Жүнісовке)
Көз жұмды өнер пырағы,
Кәкімбек Салықов

Толық

Алматыда Сәбиттің ескерткіші

  • 0
  • 0

Алматыда,
Мұқанов көшесінде,
Төле бимен тоғысар төтесінде,
Сұлу мүсін жүзінде жұлдыз жанған

Толық

Оптимизм

  • 0
  • 0

Кейпін көріп көшеде масқараның,
Аяп кеттім тұрғынын бас қаланың.
Қопарып тұр қоқысты тамақ іздеп,
Тік қарауға бетіне жасқанамын.

Толық

Қарап көріңіз