Кәкімбек Салықов

Татулыққа кезім жоқ көніспеген

Бұл бетте «Татулыққа кезім жоқ көніспеген» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
26.11.2024
0
0
658

Татулыққа кезім жоқ көніспеген,
Жан құпия... от-сезім бөліскен ем.
Тәтті түстей өтеді еске түсіп,
Сәтті күндер құштарлық өрістеген.
Жыр ма екенсің, сол күндер, ән бе екенсің?!
Нұр төгілтіп, өмірді сәнді етесің.
Дос ниетпен, махаббат, өзің қидың
Қос жүректің аяулы ақ некесін.
Қолтықтасып талай кеш жүрдік билеп,
Жанға жалын жалғасты түйдек-түйдек.
Ойда жоқта оңаша қалу деген
Бақыт еді-ау кездескен бізге сирек.
Киік көрсем жарқ еткен өрде жүріп,
Қисапсыз ғой жүректе өрген бүлік.
Ең алғашқы дегені сол екен ғой,
Құштарлыққа тұншығып сөнген үміт.

1972

Кәкімбек Салықов татулық татулыққа кезім жоқ көніспеген Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар