Өлең, жыр, ақындар

Жер төресі – атамекен киелім

  • admin
  • 17.12.2024
  • 0
  • 0
  • 340
Жер төресі – атамекен киелім,
Жезқазғанды дәл өзіңдей сүйемін.
Ата-баба аруағы дарыған
Ұлытауға ұлындай бас иемін!
Аз тарихты әспеттеймін сөзге үйіп,
Шалғай кетсем, етті тағдыр көз күйік.
Өзіме де қан қақсатып оқ тиген,
Жүрек сырын елге жайса «Жезкиік».
Мәскеу жақта көптеу жүрген шақтарда,
Өлең өрдім ерте тұрып ақ таңда.
Сағынышты сәлемімді арнадым
Еділдетіп құстар елге қайтқанда.
Алыстардан есен жеттім еліме,
Дүбір қостым дербестіктің деміне.
Азаттықтың Мағжан мінез құлымын,
Шын інісі көрер қазақ мені де.
«Әй, кәпір» деп айта алмайды еш пенде,
Тіл табамын кейде сырттай өшпен де.
Соның бәрін айғақ етер өлеңім,
Шабыт селі көкірегімнен өшкенде.
Айтар сырым,
Осы ашық тілегім,
Үшке бөлмей, бір қазақта түледім.
Жүрегімнің лүпілінен естіңдер
Сәкен, Ілияс, Бейімбеттің тілегін.

25.01.2012.
Астана



Пікірлер (0)

Пікір қалдырыңыз

Қазағымды көбейтейік осылай

  • 0
  • 0

Қазағымды көбейтейік осылай
Жыр жұлдызы «Жезкиігім» – күйлі ағын,
Күйлі ағында тапса шабыт құндағын.
Кәкімбек Салықов

Толық

Ашық сыр

  • 0
  • 0

Қыздарға өлең көп арнадым жасымда,
Іңкәр болдым жер бетінде асылға.
«Жезкиікті» бар қазаққа паш етіп,
Белгі орнаттым кешегі өткен ғасырға.

Толық

Мен көрдім аққудың жас көгілдірін

  • 0
  • 0

Мен көрдім аққудың жас көгілдірін,
Өзгертті құс-­періште өмір нұрын.
Адасып қалған құсым табылғандай,
Тамылжып жас күнімдей төгілді үнім.

Толық

Қарап көріңіз