Өлең, жыр, ақындар

Композитор достарға

  • 04.11.2021
  • 0
  • 0
  • 795
Жақсы дос сырын түсінем,
Шыңдаған заман сынағы.
Тілегі таза кісімен
Тілдескім келіп тұрады.
Сүймеймін сөз бен желбуаз,
Жадағай,
Жайдақ сарынды,
Іздедім әсем,
Сұлу саз
Оятар ойда жалынды.
Сенімді сақтар күдікпен,
Сөнбесін үміт шырағы.
Сөз білер асыл жігітпен
Сырласқым келіп тұрады.
Ән мен сөз жатық қабысқан,
Жарқ етсін жұлдыз жанғандай.
Алыстан аңсап табысқан
Арудан алғыс алғандай.
Жібермес жеңіл сайранға,
Сөнбесін шабыт шырағы.
Ақылды доспен майданға
Аттанғым келіп тұрады.
Майданым –
Өлең өресі,
Елеңдеп
Елім ұққандай.
Үзімтал әнге бөленші,
Үзімін жүрек жұтқандай.



Пікірлер (0)

Пікір қалдырыңыз

Жұлдызға жанған үміткер

  • 0
  • 0

Жұлдызға жанған үміткер,
Жаһанды біз де кезіп ек.
Алыста жүрген жігіттер,
Кәкімбек Салықов

Толық

Көкшетауда Құлагер ескерткіші

  • 0
  • 0

Көкшетауда Құлагер ескерткіші
Құс қанат желден жүйрік ғұмырына
Орнады Көкшетауда ұлы мұра.
Кәкімбек Салықов

Толық

Романс

  • 0
  • 0

Романс - Кәкімбек Салықов
Көркіңе жетпес тәтті сөз,
Сүйсініп жаным құптайтын.
Бұйырды маған сәтті кез,

Толық

Қарап көріңіз