Өлең, жыр, ақындар

Ертеңім

  • 10.07.2022
  • 0
  • 0
  • 485
Атқан таңның жүзді елім
Арайына арналы
Алды бақыт ізгі елім,
Алақанда арманы.
Алатаудың шыңынан
Айға қолын сермеген,
Аймағымнан сыр ұғам,
Алға өмірі өрлеген!
Сәулеттене ұрпағым
Самғай өсті сатылап,
Серпіп қанат тұр тағы,
Сатылардан сатыны ап.
Бұған кепіл – жол сызған
Болашаққа батыл кеп, –
Жарығырақ жұлдыздан –
Партиялық документ.
Партиямыз жаңа бір
Сызды жолды тағы алға,
Керем содан жаңа өмір
Біздің күллі адамға.
Сол адамның бірі өзім,
Ертеңгі атар таңыма
Жедел жетер тұр кезім,
Міндетім қанша тағы да!
Сонда менің сыбағам
Тегін тағам, жатар үй,
Бүгінгідей сұраман
Ешкімнен де пәтер үй!
Ол үшін керек күшті еңбек,
Ол үшін керек аянбау,
Ол өзі көктен түсер деп,
Болмайды бізге аялдау.
Ол үшін қажет ұжымдық,
Ол үшін қажет ақыл-ой,
Жүректе отты қызулық,
Темірдей тәртіп, тартымды ой.
Ол үшін шыңдай түселік
Коммунистік сананы,
Ол үшін тыңдай түселік
Партия – асыл ананы!
Жарқырайды алдымнан
Коммунистік ертеңім,
Жолымен соның салынған
Жырымды мен де шертемін!
Табиғаттан, космостан
Алынар алашағымыз,
Алдымда тұр көп тосқан
Аялы болашағымыз!
Көрсететін нұр жүзін
Көрікті коммунизмнің
Осы еді күткен жұлдызы
Арманы елдің, өзіңнің.
Мақтанып бұған мен бүгін,
Өзімді нақ бел буған
Коммунизм елінің
Солдатымын деп ұғам!

1961



Пікірлер (0)

Пікір қалдырыңыз

Ақын мен бұлбұл

  • 0
  • 0

Ойды оятар бұлбұл дейді сайрағыш,
Сонда, ақыннан болған ба ол ойлағыш?
Бұлбұл – гүлдің, ақын – елдің еркесі,
Ақын болсаң, жан толқыта, самғай ұш!

Толық

Жастық оты

  • 0
  • 0

Жастық отым сөнбейді,
Жел тұрса да, бұлт шығып.
Бойды қуат кернейді,
Марқайсам да мұрт шығып.

Толық

Қырмандағы түн

  • 0
  • 0

Қараңғы түн жұлдыз жайнап,
Жымиып тұр көктегі ай,
Дүние тыныш,
Тек бір дыбыс...

Толық

Қарап көріңіз