Жазғы романс

Сән болар асау ғасырға,
Жолықтым ғажап асылға.
Есіме түсті қара көз,
Кездескен бала жасымда.
Жайласа сұлу жүзі өрт,
Ұқсастық таныс ізі көп.
Көз шалғанда селк еттім,
Біздің ауыл қызы деп.
Толқып та кеттім, тән күйді,
Ажарын ғажап жан сүйді.
Көргендей бала ғашықты,
Көркейтті жылдам хал-күйді.
Әңгіме құрдық не түрлі,
Таныстық буы жетілді.
Шыдай алмай бір сүйсем,
Ұмыттым ескі дертімді.
Қызық жоқ оны өпкендей,
Қызуы бойды өтті өрлей.
Ерен-ғайып қуандым,
Жұмаққа кіріп өткендей.

2005.
Астана

---