Өлең, жыр, ақындар

Есілім

  • admin
  • 01.01.2025
  • 0
  • 0
  • 308
Беу, туған жер!
Торғын тоғай Есілім,
Өр толқының – бала күнгі бесігім.
Ел ордасын құшақтаған құтты өзен,
Бар қазаққа ортақ асыл есімің.
Ақ қайыңдар алқалаған Есілім,
Жағалауда тал қалаған Есілім.
Аққу-қазы «гәккулеткен» құтты өлке,
Сал-серілер «қалқалаған» Есілім.
Күміс күлкің сылқыл қақса қызбайсың,
Атамекен, ескі арнаңды бұзбайсың.
Сарыарқаны төркініңдей сайрандап,
Салтанаты сарқылмайтын қыздайсың.
Сегіз сері сайран құрған Есілім,
Мағжан аға майдан құрған Есілім.
Ақан сері, Үкілі Ыбырай ән шырқап,
Ата-бабам жайлау қылған Есілім.
Есілді айтсам, жаңылғандай есімнен,
Бала болам бір сүңгуге шешінген.
Көк толқын мен құба талдың сыңғыры
Естен кетпес ән төгілтіп көсілген.
Қазаққа аян ұлылығың, Есілім,
Жан анамдай жылылығың, Есілім.
Астананың бүкіл әлем тамсанған
Сен таныттың сұлулығын, Есілім.

2012



Пікірлер (0)

Пікір қалдырыңыз

Қош бол, жалғыз бауырым!

  • 0
  • 0

Қош бол, жалғыз бауырым!
Айналайын, Сапаржаным, Сапарым,
Кім тосыпты саған күннің батырын?!
Кәкімбек Салықов

Толық

Өмірің үлгі ұрпаққа

  • 0
  • 0

Өмірің үлгі ұрпаққа
(Еңбек Ері Ғазиз Омаровқа)
Өзін өзі нық ұстайтын қашанда
Кәкімбек Салықов

Толық

Заман-ай!

  • 0
  • 0

Заман-ай! - Кәкімбек Салықов
Біржан салдан жаттаған жаным іңкәр,
Сүйіп шырқар әнім бар – «Жамбас сипар».
Сұлу көрсем, құс ілер ақ тұйғындай,

Толық

Қарап көріңіз