Өлең, жыр, ақындар

Қарағанды орнатты жаңа ескерткіш

  • admin
  • 01.01.2025
  • 0
  • 0
  • 251
Баяғыда Сәтбаев дараланды,
Одақтағы ең үлкен бағаны алды.
Кенді қайдан іздеудің көзін ашса,
Пайдаң тиді, ардақты Қарағанды.
Бақыт қонды зор білім, бай талапқа,
Бірге аттанды есімің шартарапқа.
Барлау жөнін әлемдік жолға салды
Металлогендік әдіспен карталап та.
Сол құрметті ақтарлық Қарағанды,
Сұлу мүсін көшеңде жаңаланды.
Өзіңе де жаңаша ажар бітіп,
Көзі түскен қуанттың әр адамды.
Сәт орнады ойдағы арман тынар,
Шашу шашты нұрлы күн алдан шығар.
Қаныш аға атында заулап жүрген
Ғарыштағы жұлдыз да жанған шығар.
Бұл ескерткіш данаға татырлық та,
Бұлқынып тұр ғалымдық, батырлық та.
Торға түскен торғайдай
Ескі ескерткіш,
Құдай оңдап, аттанды бақилыққа.
Кім сөкпеді сол үшін кеше бізді,
Ұялушы ек көруге көшемізді.
Жүдеу күннің белгісі артта қалды,
Тәуелсіздік қайтарды есемізді.
Құтты болсын жаңарған асыл белгі,
Ел өзгерді, үр жаңа ғасыр келді.
Сарыарқаның қақ төрі Қарағанды,
Көмірің тасып, көбейсін тасың енді!

21.10.2011.
Қарағанды



Пікірлер (0)

Пікір қалдырыңыз

«Гауһартасты» шырқашы

  • 0
  • 0

Жаның сұлу нәр алған жалыныштан,
Әнің сұлу әу десең алып ұшқан.
Оралғандай қыз қалпың үзілтесің
«Гауһартасты» жаралған сағыныштан.

Толық

Көкшеде ғажап сұлу бар

  • 0
  • 0

Көкшеде ғажап сұлу бар,
Көрген жан үнсіз қырындар.
Мейірім төккен жүзінде
Кәкімбек Салықов

Толық

Есіл мен Көкше – бауырлас

  • 0
  • 0

Есіл мен Көкше – бауырлас
Есіл ортақ, Көкше ортақ
Бауырлас асыл аймаққа.
Кәкімбек Салықов

Толық

Қарап көріңіз