Өлең, жыр, ақындар

Саған сендім

  • admin
  • 03.01.2025
  • 0
  • 0
  • 107
(Ұлым Ерланға)

Елу бес жас құтты болсын, Ереке!
Алла берген сенсің маған береке.
Сен туғанда ата-анаңа болмады
Тап осынау күннен артық мереке.
Құттықтаулар көші сәтті құралды,
Ақ тілектер ағыл-тегіл шұбалды.
Үлкен қызы ұл тапқанда
Өзгеден
Бұрынырақ әжең қатты қуанды.
Ерлан деген ат қойып та жар салдық,
Шампан-бұрқақ салютімен қарсы алдық.
Сал домбыра қолдап қоңыр күмбірі,
Бар ағайын, кенші достар ән салдық.
Саған сендім – аспанда күн тұтылса,
Саған сендім – кейде жүрек қысылса.
Жезқазғанда сенің барың – бақытым,
Тағдыр мені тым алысқа ұшырса.
Шахталарда тау қопарған қазанат,
Еңбегің зор етсек біздер қанағат.
«Кенші-ақынның» кенші болу баласы
Етті сені жезқазғандық азамат.
Маған қуат сол сыпайы атағың,
Сыйлап өтсін кенші қауым-қатарың.
Үзілмесін Жаратқанның рахматы,
Бақытты бол – үлкені осы батаның!

11.04.2012.
Астана



Пікірлер (0)

Пікір қалдырыңыз

Көкшедегі кездесу

  • 0
  • 0

Көкшедегі кездесу
Көкшетау қарсы алғанда ән-күйменен,
Пәк сезім қандай ғажап жан билеген?!
Кәкімбек Салықов

Толық

Өтер де кетер сұм жалған

  • 0
  • 0

Өтер де кетер сұм жалған,
Басыңда мәңгі тұрмайды.
Көз жасы ішке бір тамған
Тұла бойды улайды.

Толық

Сөйлейді тағдыр сондайда

  • 0
  • 0

Сағынбай көңіл толғай ма,
Толғанбай қиял торлай ма?!
Махаббат дерті ой қозғап,
Кәкімбек Салықов

Толық

Қарап көріңіз