Киров музейінде

Полицейлер талай іздеп түйлікті,
Әрбір жерге жолдамалар құйғытты.
Томскийдің түрмесінен қашқанда,
Осы бір үй жасырыпты Кировты.
Биік емес, екі бөлме, аласа,
Біздер үшін қымбат қазір ол аса.
Жандармның жасырынып көзінен
Киров мұнда тұрды біраз оңаша.
Шет жақтағы көзге қораш бұл үйде,
Жұмыс істеп жатты астыртын үйірме.
Құс атудан жаңа оралған адамдай
Киров өзі келетұғын іңірде.
Ленинмен жалғасқандай Сибирьден,
Алғы күнге ойы асығып жүгірген,
Отыр Киров сықсима шам жанында,
Лениннің кітабына үңілген.
Күрес үшін күшін жиып кеудеге,
Отыр түнде жалғыз өзі белмеде.
Тарауындай партиялық тарихтың
Тұр Кировтың жақсы өмірі көрмеде.
1952

---