Бауырларым
Бірге өскен тай-құлындай бауырларым,
Қартайып бара жатыр міне алдың.
Қимаймын қарттыққа мен ешбіріңді,
Сағынам естілмесе дауыстарың!
Бөлісіп әулеттің бар қуанышын,
Қайғырса - бауыр үшін жылап ішің.
Қиналса - жаның жасып мұңаясың,
Қуанса - мәз боласың солар үшін.
Шырқырап солар үшін күйіп-пісіп,
Жүресің жиын-тойда жүгірісіп.
Бауырдың ұл-мен қызы жақсы болса,
Марқайып, мақтанасың өзімсініп.
Бар болшы бірге туған жақындарым,
Әрқайсың маған қымбат асыл жансың.
Отбасы, бала-шағаң аман болып,
Бар болсын ортамызда жан анашым!
Гүлмекен Қасенбай
23.03.2025
- Тлеуғабыл Шырайлым
- Тлеуғабыл Шырайлым
- Тлеуғабыл Шырайлым
- Тлеуғабыл Шырайлым
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі