#3

Сені сүйіп, байланып қалды деме…
“Сен” деп өткен түндерім мәнді неге?
Ешкімге дес бермейтін қырсық тілім
Ұтылады тек сенің әңгімеңе…

Әңгімеңе құлақ сап, құлай кетем.
Жандармыз ғой біз әлі былай бөтен.
Мінсіздер жоқ фәниде. Сол үшін де
Сені мендей адаммен сынайды екен.

Сынай ма екен? Сынаса берілмегін,
Құтқарармын, мен сенің өңіңдемін.
Махаббаттың тауынан құлап көрсең
Көтерермін қайтадан, өмір тегін !

уайымдама! Жаныңа адал, ақпын!
мінезіңді жүр екен бағалап кім?
әрекет пен сенім бар. Ал қалғанын
Құдайына тапсырдым махаббаттың!

С. А.

---