Соңғы қоңырауға тілектер

Соңғы қоңырауға тілектер!

Сәтті болсын, жас түлектер жолдарың,
Нұрға толсын ғұмырларың әрдайым!
Білім алып, еңбек етіп, өркендеп,
Мақтанышы болыңыздар қоғамның!

Ата-аналар ақталып ақ үмітің,
Көріңіздер ұл мен қыздың қызығын.
Аман болып, бақытты боп әр ұл-қыз,
Біз шықпаған белестерден көрінсін!

Ұстаздарға айтар алғыс ерекше,
Білім берген, тәлім берген шәкіртке.
Олар жаққан шамшырағы білімнің,
Жана берсін лапылдап жас жүректе!

Бақытты әрі тыныш болып жеріміз,
Өркендесін, дами берсін еліміз.
Әр жас талап қызмет етіп Отанға,
Жақсы істерін көре берсін көзіміз!

* * *

Аяулы ұстаз, жетекші болған бізге,
Шексіз алғыс айтамыз бүгін сізге!
Өз отбасың ұмыт боп "сыныбым" - деп,
Жүгірдіңіз қарамай күн бе, түн бе?!


Ұстаз-Ана, мың алғыс өзіңізге,
Жігер берген, күш берген сөзіңізге!
Сіз секілді ұстаздан тәлім алып  -
Қанат қағып барамыз ұлы өмірге!


Қадірлі ұстаз, жаны асыл жетекшіміз,
Сынып үшін қаншама тер төктіңіз...
Сансыз алғыс айтамыз бүгін сізге  -
Әлі талай сыныпты көркейтіңіз!


Ардақты ұстаз, тәлімгер жетекшіміз,
Қаншама үлгі біздерге көрсеттіңіз.
Сағынышпен біз сізді еске аламыз,
Жас жүректің төрінде ізгі орныңыз!

23.05.2025
Гүлмекен Қасенбайқызы

---