Жастыққа оралу

Асыл арман жалаулаған
Өтіп кетті-ау келмеске.
Бозбала күн алаулаған
Жылуынан бермес пе?

Жаратқаным, дәрменіңмен
Қолдайсың ба тағы да?!
Оралайын дәуренімнің
Балдай тәтті шағына.

Көкірегімде ашылмаған,
Айтылмаған сыр қалды.
Бұл өмірдің жасындаған
Жазирасы сұрланды.

Шақырады сылдырлаған
Сағым жылдар бұлағы.
Жастық үні сыңғырлаған
Сағындырып тұрады.

---