Сырбай Мәуленов

Көктем тасқыны

Бұл бетте «Көктем тасқыны» атты Сырбай Мәуленов жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

07.02.2016
0
0
3576

Алғашқы аспан күркірі
Салютіндей көктемнің.
Дүниенің бар түкпірі
Құшағында көктердің.
Қөтеріп дала жасыл гүл
Көктем күнін қарсы алған.
Тек қана таудың басы тұр
Маңдайын мәңгі қар шалған.
Сусындап көктің бұлтына
Бұрқана ағып тас бұлақ.
Басынан таудың шықты ма?
Жарысып, ойнап бас құрап.
Әйтеуір қатты ағыны
Бойында нәрлі бір күш бар.
Сарқылып әбден сабыры
Болады оған гүл құштар.
Сүйесің сен де бұлақты,
Секірген шапшып тасқыны,
Жатқандай сонда қуатты
Өмірдің жалын жастығы.

Cырбай Мәуленов өлеңдері Көктем тасқыны өлеңі

Пікірлер (0)

Пікір қалдырыңыз

Жиі қойылатын сұрақтар