Тұжырым

"Сұлусың" - деп айтады сұлу жандар,
Көп садақа береді мәрт адамдар.
Шеберлікке үйретсе өнерпаздар,
Білгенімен бөлісер данышпандар.

Өсектейді сыртыңнан сорлы адамдар,
Қызғанады өскенді қызғаншақтар.
Бұл өмірде ешкімді ұнатпайды,
Жетістікке жетпеген хас надандар!

Көре алмайды біреудің қуанғанын,
Байығанын, көлік пен үй алғанын.
"Берсем" - демес, тек қана "алсам" - дейді,
Еш көрмейсің олардың ұялғанын.

Қуанышқа айта алмас "құтты болсын!",
Мұндай жанға қалайша бақыт қонсын?!
Я Раббым, екі өмірде алыс еткін -
Мұндай жандар өмірімнен құрып кетсін!

Гүлмекен Қасенбайқызы
16.09.2025