Аслан-Арай – Қазыбек Маратұлы

Аслан-Арай
Өзім сүйіп таңдадым Асланды, Сүйген жаным отбасын асырады. Сапар шегіп кеткенде отағасы, Арайың тез көргенше асығады.

Махаббаттың дәлелі қос ұлымыз, Ағайын-дос тілекке қосылыңыз. Бұл өмірдің аламан бәйгесінде, Азаматым қас тұлпардай жосылыңыз.

Он жыл толды шаңырақ көтергелі, Бірлесіп өмір сынын көтергені. Бақытты ғұмыр кешсе балалары, Ата-ана еңбегі өтелгені.

Адал жанға алла тек бақ береді, Адамға осы болар нақ керегі. Сыйластық, ырыс, дәулет біз тілесек, Мақсат, арман сол жолға ап келеді.

Ұшырып алмайықшы бағымызды, Ұрпақты өсірейік жаны ізгі. Жетпіс жыл бірге жасап, бір қартайып, Алтыннан соқтырайық тағымызды.

Маржан тастай жолына шашылайын, Еркелеп мойыныңа асылайын. Тілейтінім жаратқан иемізден, Аман жүрсін, тірегім Асланым.
06.08.2017жыл