Өлең сүйер арасында

Жарық аспан, айлы аспан, терең аспан,
Адам көп қой бұл өнерге қадам басқан.
Жатырмын мен мұхит, теңіз жағасында,
Мен де бармын өлең сүйер арасында.

Жатырмын, тікке қарап ғажап түнге,
Бұл өлеңді арнасам деп кімге, неге.
Ойлар көп, ойлар толы, ойлар қиял,
Бұл өнерге кімде-кім уақыт қияр?

Мен, тегін берем, аямай, уақытымды,
Ұзақ өнер жолында табар бақытымды.
Біреу бастап, біреу тастап, өмір өтіп барады,
Бұл өнер кімде-кімге асыл нұрдай тарады.

Толқыннан асып барамын, аттай шауып,
Кім біледі жүргенімді өнер тауып?
Таң да атты, жатырмын су жағасында,
Мен де бармын өлең сүйер арасында.

© 2026 Молдажан Әділет. Барлық құқықтар қорғалған. Туындыны көшіру, тарату және пайдалану тек автордың жазбаша рұқсатымен ғана жүзеге асырылады.