Ұстазды еске алу

Ұстазым ізгі еді нәзік жаның,
Біздерге еш қаталдық танытпадың.
Сабырмен білім нәрін сіңіріп ең,
Мейірімге бөлеуші едің сәби жанын.

Алғаш әріп үйреткен ұстазым ең,
Қаламды қолға дұрыс ұстатып ең,
Минутқа оқытушы ең әліппені,
Жетелеп бізді білім соқпағымен.

Білімді, сүйікті едің, көркем едің,
Көрмедік сені біреу жек көргенін.
Енесін анасындай аялаған,
Ауылдың ең үлгілі келіні едің.

Күйеуін құрмет тұтқан дана едің,
Алты перзент әкелген ана едің.
Енеңіз есіне алса жылап қалар,
Қайын жұртқа сүйкімді бола білдің.

Ғұмырың болса-дағы гүлдей қысқа,
Шәкірттерің болып жүр елге тұтқа.
Жатқан жерің жайлы боп, ұйқың тыныш,
Жаның болсын Жәннаттық, аяулы ұстаз!

28.04.2022

---