Өлең жазам сұрасаң – Гүлмекен Қасенбай

Өлең жазам сұрасаң...

Ренжісіп қалсаңыздар жақынмен,
Кешірім сұрау қиын болса сөзбенен.
Жүректерді жібітетін сезіммен...
Тапсырысқа шығартыңыз игі өлең.

Мерейтойға керек болса құттықтау,
Уатсапқа жаз, отырмыз ғой, жаным-ау?!
Жақсылығын жіпке тізіп жақынның,
Жазып берем, марқайтатын бір арнау!

Апарсаңыз оқушыны жарысқа,
Өлеңдері шала болса, ой қысқа.
Мазмұнды әрі, мағыналы, зерттелген,
Өлең қылып түзеп берем оны да!

Ән айтқыңыз келсе егер тойға арнап,
Өзгертемін бар мәтінін сізге арнап.
Той иесі жайлы сөздер қосамын,
Жаңа мәтін жазып берем ыңғайлап!

Таныстыру қажет болса және де,
Қандай сайыс?
Болған емес мәселе..
Ақпаратты жібересіз анықтап -
Шығарамын құнды өлең сіз жөнінде!

Байқау, бәлкім сайыс па, әлде басқа ма?
Жазып берем жинақы өлең, ақшаға..
Бір шумағы бар болғаны мың теңге -
Каспий голдқа жөнелтесіз жай ғана.

Амал нешік? Керек боп тұр жан бағу...
Қымбатсынсаң, тарата отыр, әй-бауыр!
Мен түгілі Пушкин сатқан өлеңін,
Ақын үшін, өлең деген - нан табу!

Қасенбайдың Гүлмекені - есімім,
Ғаламторда хит боп жатыр кей жырым.
Кейде - ащы, кейде - тұщы жазамын,
Осып өтсе өткір тілім, кешіргін...?!

Керек емес маған атақ, даңқ та!
Тек пайдалы болсам болды, халыққа.
Ал оқырман, тапсырыс бер, ұнасам -
Қаламымен нан табатын ақынға!

Гүлмекен Қасенбайқызы
8701494122
06.03.2026 ж