Гүлмекен Қасенбай

Менің анам - мұғалім

Бұл бетте «Менің анам - мұғалім» атты Гүлмекен Қасенбай жазған ана туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

gumakanapia
24.03.2026
0
0
128

Босамайтын қолы еш,
Менің анам - мұғалім.
Оның ауыр жұмысын,
Жан-тәніммен ұғамын.

Бізге мейірім беруге,
Аз болса да уақыты.
Өзге ұл-қызды білімді,
Қылу оның бақыты.

Қағаз толы сөмкесі,
Бар таусылмас есебі.
Шәкірттері анамды,
"Ұстаз-Ана" деседі!

Құрметтейді бар адам,
Менің асыл анамды.
Өйткені, ол - мұғалім,
Дамытатын санаңды.

Жүрсе-дағы жанымда,
Мен анамды сағынам.
Анам менің асыл жан,
Елдің туған бағына!

Мерекемен құттықтап,
Жыр арнайын анама.
Аман-есен шапқылап,
Бар болыңыз ақ мама!

Өнегелі тәліммен,
Жақсы бала боламыз.
Өйткені анам - мұғалім,
Қалай жаман боламыз?

Анасы ұстаз балалар,
Мейірімді жатпен бөлісер.
Аман болсын әрқашан,
Ұстаз-Анам, періштем!

24.02.2026
Г. Қасенбай

Ұстаз-Ана мұғалім анаң мұғалім болса менің анам - мұғалім Гүлмекен Қасенбай өлеңдері

Пікірлер (0)

Пікір қалдырыңыз

Жиі қойылатын сұрақтар