Анаға алғыс сыйым бар – Гүлмекен Қасенбай

Мың алғыс Ана, ақ сүтіңнің нәріне,
Біздерді ойлап, ұйықтамай өткен әр түнге.
Ұл-қыздарыңның өлең-тілегін қабыл ал,
Жүректен шыққан, жырым арналар өзіңе!

Қабыл ал Ана,
Бұл сыйға әбден лайықсыз..!
Сізге арқа сүйеп, өмір сүріппіз уайымсыз.
Аллаһқа шүкір! Осындай АНА бұйыртқан,
Жүрегіміздің төрінде сіздің жайыңыз!

Мың алғыс АНА,
Тәрбиең менен асыңа.
Жаратқан берсін бар жақсылықты басыңа!
Кішкене болсын ұнаса өлең-жырымыз,
Шабыттанамыз қуанту үшін тағы да!

                       *          *          *

Шашымды өріп, ең дәмді тағам жегізген,
Ауыра қалсам, уайым шегіп, көз ілген.
Анашым сіздей қамқор жан жоқ-ау пәниде,
Махаббатты да ең алғаш сізден сезінгем...

Болса да қауырт, таусылмас ауыр жұмысың,
Есіңнен сәтке шыққан емес-ау перзентің.
Ұмытпадыңыз еш, күні-түн бізбіз уайымың,
Тоқтамай соқсын осынау нәзік жүрегің!

                       *            *          *
Асыл әжетай, сыйладың бізге ата-ана,
Мейірім төктің,
"ботам" - деп басып бауырыңа!
Бақыттымыз біз әже әлдиін естіген,
Апа, әжесі жоқ адамдар елде қаншама...

Құттықтаймыз біз осынау ғажап мейраммен!
Асыл әжетай, ортамызда аман жүре бер!
Немерелеріңнің аппақ тілегін қабыл ап -
Нұрыңды шашып, біздерге қарап күле бер!

Гүлмекен Қасенбайқызы