Ақыл

Ақыл айтсам бола ма саған балам?
Өмір деген даңғыл жол, тарам-тарам,
Жан-жағыңа ізетпен қарайлап жүр,
Абайлап бас асықпай алаң қадам.

Келсе дағы басыңа сараң заман,
Үмітіңді жоғалтпа табандаған.
Адамға сен, өзің де сенімді бол,
Сенім сенбеушіліктен арандаған.

Еңбек етсең белгілі алар бағаң,
Жалқау бар ма бір істі тәмамдаған?
Тырысудан ұялма, Өкінішті
Өз жұлдызын уағында жаға алмаған.

Кірлесе де тірліктен аппақ жағаң,
Ар былғама жеткенше шараң-шамаң.
Қателеспей таба біл серігіңді,
Керек әсте өмірде адамға-адам.

Bura-Naiman