Тәуелсіздік — тәу етер жалғыз кие – Омархан Айнұр

Бұл бетте «Тәуелсіздік — тәу етер жалғыз кие» атты Омархан Айнұр жазған тәуелсіздік туралы өлең берілген.

Менің басты байлығым — тәуелсіздік,
Берген маған бірлік, елдік және теңдік.
Сата алмаймын ешкімге, бермеймін де,
Бәрінен де қымбат маған, құны шексіз.

Көрдік қорлық қаншама сол күндерде,
Орыстар бізді билеп-төстегенде.
Кеудемізде жиналып ыза, өксік,
Шығара алмай жұта бердік ішімізде.

Оңай бізге келген жоқ тәуелсіздік,
Сол үшін біз қаншама қанды төктік?!
Ата-баба: "Азаттық",—деп атқа қонып,
Наразылық танытып, көтерілдік.

Ереуілге шықтық, сөйтіп, біздер енді шыдамай,
Орыстар сол үшін де соқты бізді аямай!
Бірақ біздер, қазақтар, шегінбедік, ұрыстық,
Алдық сосын егемендік тура жолдан айнымай.

Сол себепті тәуелсіздік мен саған бас иемін,
Жадымнан да шығармай жыр етемін.
Қасиеттеп, қастерлеп, аялаймын,
Күнде ұлықтап мен оны қадірлеймін.

Тәуелсіздік — жалғыз кие мен оған тәу ететін,
Бәрін қиып, аянбай, жан беретін.
Өміріммен қарызбын мен саған, тәуелсіздік,
Көзімнің қарасындай қадірлеймін.


Пікірлер (0)

Пікір қалдырыңыз

Ұқсас өлеңдер

Басқа да жазбалар