Өмір, өмір

Өмір, өмір арманшыл алаулы күндерім,
Өмір, өмір қиялшыл, жұлдызды түндерім,
Өмір, өмір арайлап ататын ақ таңдар,
Өмір, өмір махаббат белгісі гүлдерім.

Қайырмасы:
Арман! Тірлігімнің күні.
Арман! Жүрегімнің үні,
Арман, арман!
Өмірімнің гүлі.

Өмір, өмір жазбаған жалаулы жырларым,
Өмір, өмір ашпаған құрбыма сырларым,
Өмір, өмір қырандар мен самғар биіктер,
Өмір, өмір шөлдерде жайқалған гүл-бағым.

Қайырмасы.

Өмір, өмір тулаған тіршілік қанысың,
Өмір, өмір жүрекке от берген жалынсың,
Өмір, өмір жан құрбым сыйлаған махаббат,
Өмір, өмір мәңгілік іздеген шағымсың.

Қайырмасы.