Құрылысшы боламын

Бұл бетте «Құрылысшы боламын» атты Байбота Қошым-Ноғай жазған өлеңнің мәтіні толық жарияланған.

Елге айналып дәулетті,
Мәшһүр болдық баршаға.
Алматыда сәулетті
Ғимараттар қаншама.

Ақша бұлттан әрі асқан
Биік-биік шыңдары.
Алатауға жарасқан
Алматының гүл бағы.

Көмкеріліп гүл бақпен,
Үйлер көкке ұмтылып,
Тыстағандай сырмақпен,
Көз тартады құлпырып.

Өскеннен соң ертең мен,
Құрылысшы боламын.
Ауласын гүл көмкерген
Зәулім үйлер саламын.


Пікір қалдырыңыз

Пікірлер (0)

Осы автордың басқа өлеңдері