Тыңда, балам, ертегі

Бұл бетте «Тыңда, балам, ертегі» атты Шөмішбай Сариев жазған өлеңнің мәтіні толық жарияланған.

1. Тыңда, балам, өркенім,
Ертегі бұл даналық,
Достасады ертегің,
Қоштасқанша балалық.
Ертегінің әлемі,
Құпия сыр қараса,
Ғажайыптар әлемі,
Таңғажайып тамаша.
Тыңда, балам, ертегі
Ертегі сыр шертеді.
2. Ертегінің елінде,
Жұлдызға да самғарсың,
Ертегідей сенімді,
Өміріңе жалғарсың.
Тоқып бәрін көңілге,
Толқып, шалқып өткейсің,
Ертегідей өмірде,
Мұратыңа жеткейсің.
Тыңда, балам, ертегі
Ертегі сыр шертеді.


Пікір қалдырыңыз

Пікірлер (0)

Осы автордың басқа өлеңдері