Колхоз музейі

Тұр музей көлдей кең іші,
Қалада емес,
ауылда.
Тұтасқан колхоз жемісі —
Төртбұрышты қабырға.
Көз алдында бар қыстақ
Тіршілігі қызулы.
Қыз барады қолға ұстап,
Жұлдыздардай жүзімді.
Бау-бақшамен құлпырып,
Асқақтаған зор қала.
Кәрі шешей тұр күліп,
Соған қарап ортада.
Байыппенен бір-бірлеп,
Көрсең музей залдарын.
Сөйлегендей күмбірлеп,
Өткенің мен алдағың.

---