Қара ағаш

Бұл бетте «Қара ағаш» атты Қасым Аманжолов жазған өлеңнің мәтіні толық жарияланған.

Қашанғы қайсар қария,
Қам көңіл жалғыз қара ағаш!
Жағасында дария
Қыстай тұрдың жалаңаш.
Жасартып сені келді жаз,
Бұтағыңда бұлбұл құс.
Қолында нәзік хат-қағаз,
Көлеңкеде отыр қыз...
Біздің де өтер қысымыз,
Біздің де келер жазымыз.
Бізге де сайрар бұлбұл құс,
Бізге де келер сұлу қыз.

1944


Пікір қалдырыңыз

Пікірлер (0)

Осы автордың басқа өлеңдері