Япырай, мына күннің райын-ай!

Бұл бетте «Япырай, мына күннің райын-ай!» атты Қасым Аманжолов жазған өлеңнің мәтіні толық жарияланған.

Япырай, мына күннің райын-ай!
Төсектен тәуір болып тұрайын-ай.
Десем де қабағын бір қойды-ау ашпай
Ерегіскен, енеңді ұрайын-ай!
Шығайын ең болмаса бір күн деймін.
Азырақ ашылсаңшы, шіркін, деймін.
Түнерет әкесін мен өлтіргендей,
Бір сыбап аламын да, күркілдеймін.

1953


Пікір қалдырыңыз

Пікірлер (0)

Осы автордың басқа өлеңдері