Сол сағыныш сен екенсің

1. Бал дәуреннің бөлісіп аз күндерін,
Балауса гүл жастықтың назды үндерін,
Сағынышты көңілім көктемді аңсап,
Сағынамын жанымның жаз гүлдерін.

Қайырмасы:
Сол сағыныш, жан жарым, сен екенсің,
Сол сағыныш, арманым, сен екенсің,
Сен екенсің, асылым, шапағатым,
Сен екенсің, ғашығым, махаббатым.

2. Бал дәуреннің бөлісіп тәтті шағын,
Жанарымда бұлдырап жатты сағым,
Түннің, жаным, сағынып жұлдыздары,
Арманымдай сағынып атты таңым.

Қайырмасы.