Ардақ пен көгершіндер

Көгершіндер, кептерлер,
Текке менен үрікпеңдер,
Тереземе қоныңдар,
Аулаққа ұшып кетпеңдер.
Дән шашайын, жем десең,
Су қояйын шөлдесең,
Тоқ жүрсеңдер жарайды,
Құрқылдасып күнде есен.
Қарағаның біртүрлі,
Келтіргендей күлкімді,
Қара моншақ көздерің
Қарамықтай сүйкімді.
Ұшқыш дейді сені ағам,
Қуанамын мен оған.
Жүргенің де тәрізді
Жерден бір зат санаған.
...Көгершіндер, кептерлер,
Аулаққа ұшып кетпеңдер,
Қылдан тұзақ құрмаймын,
Текке менен үрікпеңдер!