Сырбай Мәуленов

Бестау жақта бұлт ойнап

Бұл бетте «Бестау жақта бұлт ойнап» атты Сырбай Мәуленов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.02.2016
0
0
2344

Қорқытпа мені дауылдан.
Бунин.
Қабағы қалың қара бұлт,
Бестауды жауып бүтіндей
Келеді түсі қабарып,
Будақтап ұшқан түтіндей.
Қоқаңдап бекер ол байғұс
Суырар қыннан қылышын.
Бестауды билеп қандай күш
Тарылта алар тынысын?!
Мың отқа кіріп күніне,
Мың оққа қарсы ол атылған.
Жетер деп бұлттар түбіме
Тобы жоқ құрап шақырған.
Кезбе бұлт түсте ауады
Жел сапырып, қаңғырып,
Күзетіп жасыл даланы
Тұрады Бестау мәңгілік.

Cырбай Мәуленов өлеңдері Бестау жақта бұлт ойнап өлеңі

Пікірлер (0)

Пікір қалдырыңыз

Жиі қойылатын сұрақтар