Қоштасудың қиыны-ай

Бағыт қиын өткелсіз,
Шуақ болмас көктемсіз.
Сыздатады жүректі,
Тағдыр сыйлап өткен күз.
Қанат жазбай кеңге біз,
Адасамыз демде біз.
Жұмбақ өмір арбаған,
Періште емес пендеміз.

Қайырмасы:
Тағдырдың бұл сыйыны-ай,
Арбап алған құйындай.
Сезім сөнбей жүректен,
Қоштасудың қиыны-ай.

Босап тұнық айдыным,
Сыңар болды қайғы-мұң.
Жұлдызы өшіп көңілден,
Қара түнек ай, күнім.
Өмір суық жоғалсаң,
Ғұмыр жаздай оралсаң.
Қандай жақсы аққуым,
Айдыныңа қона алсаң.

Қайырмасы