Құрбы-құрдас

Мектепті көрдік, білімге бастап қадамды,
Ұстазды көрдік, ұстадық алғаш қаламды.
Ақ бантик байлап, ақ көйлек киген ұл-қыздың,
Партадан бастап, іргесі өмір қаланды.

Қайырмасы:
Құрбы-құрдас – тұлым шақтар,
Қызықты ұғым шақтар!
Балалық балдәуренің естелік сырын сақтар!
Құрбы-құрдас – шат кезімдер,
Тілеулес, нақ сенімдер!
Парталас, кластас – алғашқы пәк сезімдер!

Еркелік қалды, айырбас жасап арманға,
Түледік, ұштық, жолдама қолға алғанда.
Қаландық өмір кірпіші болып жан-жақта,
Мақсатын табар, қалауың жолға салғанда.

Қайырмасы

Армандар емес, кеудеде бүгін сағыныш,
Қайдасың достар, әзілмен өтті, жалын іс.
Кездескен сәтте бозбала менен бойжеткен,
Сезімі болып, көңілден саумал қанып іш.

Қайырмасы