Өлең, жыр, ақындар

Қарттық пен жастық

  • 07.02.2016
  • 0
  • 0
  • 2146
Қызды көрдім билеген «От» биіне,
Тұрды алдымда мұңлы дана дүние,
Тұрды алдымда нұрлы жаңа дүние,
Еліктірді екеуі де күйіне.
Бірде су боп сылдырлап үн қатқандай,
Бірде орманнан жапырақ ұшып жатқандай.
Бірде аспанға алтын көпір тартқандай,
Бірде жұлдыз жалт-жалт етіп аққандай.
Бірде дауыл, бірде лаулап от шалқып,
Бірде дабыл, бірде садақ көк тартып,
Бірде Үнді мұхитындай атылып,
Шапшиды кеп найзағайдан от тартып.
Кейде жеңіл періштедей қимылы,
Кейде қоңыр теріскейдей би мұңы,
Үндістанның жайған қарттық,
жастығын
Бұл таланттың қайталанбас сыйлығы,
Барлық тарих солай бимен оқылды,
Бишіл ерке қасыма кеп отырды.
«Оттың» биі біткенменен,
не керек,
Сөндіре алмай отырмын мен отымды.



Пікірлер (0)

Пікір қалдырыңыз

Комарово

  • 0
  • 0

Репин жатқан қорған-оба
Жасанды көл.
Гүл алаңы.
Қарағайлы Комарово,

Толық

Бестау бауырында

  • 0
  • 0

Аспанға сырлы жебедей
Шаншылып қалған көк таулар.
Толқынға батқан кемедей
Бұлттарға батпай тоқтаңдар!

Толық

Кішкентай адам

  • 0
  • 0

(Қазақстан Жазушылар одағы үйінің
вахтері Анна Степановна Коробкова
пенсияға шыққанда)
Алыпқа оны еш ақын теңеген жоқ,

Толық

Қарап көріңіз