Өлең, жыр, ақындар

Күн – атам‚ анық жер – анам

  • 14.04.2015
  • 1
  • 2
  • 18596
Жан берiп жарық, жылы нұрдан,
Күн атам жердi буаз қылған,
Өсiмдiк туған осыдан,
Жетiлiп, өсiп, толғанда дән.
Құрт болған дәнде неше мың сан,
Жаралып шықтық бiз сонан.

Ұсақ құрт дәннен жарып шыққан,
Жасаған құрттар әр түрлi тән.
Құс, балық, шаян – көп айуан,
Айуаннан өсiп, болдық адам.
Кейiмiз естi, кейiмiз надан,
Жаралыс салған сондай мән.

Жанымыз күннен келген нұрдан,
Тәнiмiз топырақ пенен судан.
Күн – атам, анық жер – анам,
Бiрi нұр берiп, бiрi – тамақ,
Өсiрген күтiп, әлпештеп-ақ,
Бұзады бiрақ қайтадан.

Ер жетем, толам, қайта солам,
Әрi анам бұл жер, әрi молам,
Денемдi жұтпай тынбаған.
Кетедi жаным нұрға таман‚
Жазықсыз болса, барады аман,
Қиянат iстi қылмаған.

Бұл сөзiмдi естiп, пiкiр қылған,
Кәпiр дер менi не мұсылман,
Әр түрлi айтар тыңдаған.
Қалжыңың емес, хақиқаттан,
Жат емес ақыл, не аяттан,
Анығын байқар шындаған.



Пікірлер (2)

Аяна

Өте керемет. Ұзақ екен .

Пікір қалдырыңыз

Тау басындағы ой

  • 1
  • 1

Шыққаным – Шыңғыстағы бiр биiк тау,
Жақсы екен тауға шығып тағдыр сынау.
«Қайырлы түн болсын» деп үнсiз айтып,
Күн кеткен соң түн келдi қараңғылау.

Толық

Қатындар жас баласын күтеді...

  • 1
  • 1

Қатындар жас баласын күтедi,
Аямай қолдан келген шамасын.
Емiзбей, ұрып-соғып, түртедi,
Ержетiп eci кiрген баласын.

Толық

Сиқыр сөзбен арбасаң

  • 0
  • 2

Сиқыр сөзбен арбасаң,
Табиғат басын иеді.
Кәрленіп кімді қарғасаң,
Қатесіз оғың тиеді.

Толық

Қарап көріңіз