Панфиловшылар ерлігі

“Россия кең байтақ...
Бірақ шегінетін жер жоқ.
Артымызда – Москва.”
В.Г. Клочков.

Дайындалған алты айлап,
Жастар намыс оты ойнап,
Мәскеудің дәл түбінде,
Майданға кірген атойлап.

Салып қуат, бар жанын,
Сарқып қасық қандарын,
Мұз құрсанған дұшпанды
Аттатпады қарға адым.

Жасқанбастан қаһардан,
Табылып бір қатардан,
Ұлы ерлікті паш етті
Ұландарым қаһарман.

Алматылық қырандар
Жайлы аңыз, ұлы ән бар.
Тарихта қалды осылай
Панфиловшы ұландар.