ҚҰРДАСЫМ-АУ

ҚҰРДАСЫМ-АУ

Армысың-ау, бармысың-ау, құрдасым,
Қал-жағдайың қалай, өзі жақсы ма?
Ақсақалдар аман-есен жүр ме екен,
Ақ жаулықты әжелер де аман ба?

Мақсатыңа жеттің бе екен көздеген,
Армандаған арманыңа жеттің бе?
Өмір жолың қай арнаға бұрылды,
Бұрылса да, көңіліңнен шықты ма?

Құрдасым-ау, құр қалмашы жақсыдан,
Жақсы күндер көп болсыншы әрқашан.
Көңіл шіркін жүдемесін ешқашанда,
Самал желдей еркін жүрші өмірде.

Әке-шешеңе айтарым мың алғыс,
Азамат қып тәрбиелеген, өсірген.
Осындай бір құрдасым барына,
Ризамын-ау, жолықтырған Құдайға.

Сәлем беріп жатырмын туған жерден,
Сол баяғы құрдасыңмын, өзгермеген.
Амандасып қояйын дегенмін өзіңмен,
Аман болшы, жүрсең-дағы қай жерде.

Құрдасым-ау, құр қалмашы жақсыдан,
Жақсы күндер көп болсыншы әрқашан.
Көңіл шіркін жүдемесін ешқашанда,
Самал желдей еркін жүрші өмірде.

© Сабазбеков Медет