Салават

Салават неше жасында,
Жасыл камшат бөркі басында.
Генерал болған ол- салават,
Жиырма екі жасында .
( Башқұрттың халық өлеңі)
Жартаста тұр тұлғасы Салаваттың.
Дүниедегі бірі осы ғаламаттың
Аяғымен алдыңғы тасты тартып.
От шашады осқырған танауы аттың.
Бұлттар, бұлттар өтеді жанасалап,
Жібек жолын желпиді самал тарап.
Ат-матымен көтеріп Салаватты,
Алып бара жатқандай таң арқалап.
Қас жауына қабағын қарсы түйіп,
Камшат берік басына алшы киіп.
Шіренді Салават үзеңгіге,
Бұлтты тіліп, ысқырып қамшы үйіріп.
Омырауына ақ көбік жолақ тартып,
Шабады аты бауырынан жарап қатып.
Оны үйретіп тастаған үстінде ойнап,
Найза үйіріп, Салават садақ тартып.
Күндіз ойнап соғыстың құйынымен,
Түнде ойлап тебіреніп құйып өлең,
Еркіндіктің көксеп ол, ел тағдырын,
Көтереді кең шаршы иығымен.
Құшағында кетті ол ақ өлімнің,
Жиырма екі жас жаңа атқан таңы өмірдің.
Жас боздаққа жатқандай жоқтау айтып,
Толқындары шулайды Ақ Еділдің.

---