Өлең, жыр, ақындар

Келмей бір кеттің...

  • 07.05.2016
  • 0
  • 0
  • 3788
Келмей бір кеттің,
Келер деп күттім қаншама,
Күтуге әлі қуат пен шыдам, бар шама.
Елеңдеп жүрмін, келер деп жүрмін мен әлі,
Жолыңа сенің қараумен жанар талса да.

Келмей бір кеттің,
Келмеске кеткен жан сынды.
Мұңға бір батып әз жаным қанша жаншылды.
Сен келіп тағы сағынған жүрек тыншыр ма,
Ақтара алсақ серуенге шығып бар сырды.

Келмей бір кеттің,
Қаларсың мүмкін келіп те,
Өзіңсіз тіпті жазылмай кетті, тіпті өлең.
Шабытты шақтар сен барда ғана екен ғой,
Жырларым қанша жазылып қойып бітпеген.

Келмей бір кеттің,
Түсінбей жүрсің сен, бәлкім,
Ұшырар дейсің бақытын босқа қолдан кім?
Сен мені мүмкін, ұмытып кеткен шығарсың,
Ал, өзім күнде сен жайлы күнде толғандым.

Келмей бір кеттің,
Келмесең келме, не етермін,
Бір сені жырлап тынбастан, бәлкім өтермін.
Азабым ба едің, тағдырым ба едің, сен менің,
Не болса-дағы барлығын соның көтердім.



Пікірлер (0)

Пікір қалдырыңыз

Сүйе бергін

  • 0
  • 0

Бал татырып таңдайға жиелі ернің,
Сүй жаным, сүйші, сүйші сүйе бергін.
Есім ауып Ләззаттан кетсем егер,
Құлап барып өзіңе сүйенермін.

Толық

Түсіме кірдің сен бүгін

  • 0
  • 2

Түсіме кірдің сен бүгін, түсіме кірдің тағы бір,
Жабырқау жүрек жабырқап,қалсын дедің бе,лағылым.
Екеуден екеу жүрміз біз гүл жапқан алма бақтарда,
Екеуміз жүрміз тек қана гүлдерден алқа тағынып.

Толық

Қолыңды ұсын

  • 0
  • 0

Бағым ба едің, әлде сен, сорымбысың.
Баққа барар баспалдақ, жолымбысың?
Бәлкім мені мазалап жүр шығарсың,
Сонда дағы, қалқам-ау, қолыңды ұсын.

Толық

Қарап көріңіз