Әкеге тілек

Бұл бетте «Әкеге тілек» атты Ғабиден Қожахмет жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 26.08.2016
  • 0
  • 0
  • 24333
Ұл-қызының сезінумен арманын,
Ойлайтұғын әке асқар тау жан-жағын.
Қуанышпен құттықтаймыз бүгін біз
Әкеміздің 63-ке толғанын.

Әрбір белес, әрбір асу, ол - бір із,
Қашанда да жақсылыққа сендіңіз.
Өмір жолда бізге өнеге, үлгі боп,
Міне, Сіз де 63-ке келдіңіз.

Жүрді ме өмір перзенттерге алаң ғып,
Бір біз үшін әр кезде, Әке, бағаң нық.
Сан жолдарды көрсетті ме сізге ыстық -
Темір тұлпар тізгіндеткен мамандық.

Ақтара алсақ ақ тілектің сандығын,
Шаттық ойнап атсыншы аппақ таң бүгін.
Құтты болсын, Әке, туған күніңіз,
Тілейміз біз жан мен тәннің саулығын!

Өткен шақтан қалды сізге бүгін із,
Сәтті күндер болсын әрбір күніңіз.
Балалардың қызықтарын қызықтап,
Ортамызда аман-есен жүріңіз!

Ұға алғанбыз әке асқар тау еңбегін,
Болмасыншы отбасында, елде мұң.
Қуанышпен құттықтаймыз бүгін біз
Әкеміздің 63-ке келгенін.

Биік, Әке, сіздің бізге бағаңыз,
Әр белестен, әр асудан қалады із.
Құттықтайды бүгін Сізді ұлыңыз,
Қос қызыңыз және күйеу балаңыз.


Пікірлер (0)

Пікір қалдырыңыз

Жиі қойылатын сұрақтар

Әкеге тілек өлеңінің авторы кім?

Ғабиден Қожахмет — осы өлеңнің авторы.

Әкеге тілек өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Әкеге тілек өлеңі не туралы?

Бұл өлеңде Ғабиден Қожахмет өз ойы мен сезімін көркем түрде жеткізеді.

Әкеге тілек өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері